ஓ.பி.எஸ்.ஸின் ஆதரவாளர்கள் ஒவ்வொருவராக மாற்றுக் கட்சியில் இணைந்து வரும் நிலையில், அவருக்கு முக்கிய ஆலோசகராக இருந்த பண்ரூட்டி ராமச்சந்திரன், ‘எம்ஜிஆர் அதிமுக’ எனும் புதிய கட்சியை தொடங்க இருப்பதாக தகவல்கள் வெளியாகியுள்ளன.
அதிமுகவின் மூத்த நிர்வாகிகளில் ஒருவராக இருந்தவர். ஓபிஎஸ் முதல்வராக இருந்த காலத்தில் அவரது தனிப்பட்ட ஆலோசகராக பணியாற்றியவர். அதிமுகவில் பல ஆண்டுகளாக பணியாற்றிய அனுபவமுள்ள அரசியல்வாதி. ஓபிஎஸ் & எடப்பாடி இடையே மோதல் தீவிரமான பின்னர், ஓபிஎஸ் அணியில் முக்கிய பங்காற்றியவர். பின்னர் ஓபிஎஸ் அணியிலிருந்து விலகி, தற்போது தனியாக செயல்படத் தொடங்கியுள்ளார்.
புதிய கட்சியின் பெயர் ‘எம்ஜிஆர் அதிமுக’ என அறிவிக்கப்பட்டுள்ளது. இந்தப் பெயர் அதிமுகவின் நிறுவனர் எம்ஜிஆர்-ஐ மையமாகக் கொண்டு அமைக்கப்பட்டுள்ளது. கட்சி சின்னம், கொள்கை அறிக்கை, மாவட்ட அமைப்புகள் ஆகியவை விரைவில் அறிவிக்கப்படும் என்று தகவல்கள் தெரிவிக்கின்றன.இந்தப் புதிய கட்சி 2026 சட்டமன்றத் தேர்தலில் தவெக (தமிழக வெற்றிக் கழகம்) உடன் கூட்டணி அமைத்து போட்டியிட இருப்பதாகவும் தகவல்கள் வெளியாகியுள்ளன.
தவெக தலைவர் விஜய் தலைமையிலான இளம் தலைமுறை அரசியல் அணியுடன் இணைந்து தேர்தலை சந்திக்க திட்டமிடப்பட்டுள்ளது என்று அரசியல் வட்டாரங்கள் தெரிவிக்கின்றன.இந்த முடிவு தமிழக அரசியலில் புதிய சமன்பாட்டை உருவாக்கும் என்று எதிர்பார்க்கப்படுகிறது. அதிமுக , பாஜக , அமமுக கூட்டணி உறுதியாகி வரும் நிலையில், ஓபிஎஸ் ஆதரவாளர்களின் பெரும்பகுதி இப்போது பிரிந்து செல்வது அதிமுகவுக்கு பின்னடைவாக அமையும் என்று அரசியல் ஆய்வாளர்கள் கருதுகின்றனர். தவெக & எம்ஜிஆர் அதிமுக கூட்டணி தமிழகத்தில் புதிய எதிர்ப்பு அலையை உருவாக்குமா என்பது அடுத்த சில மாதங்களில் தெரியவரும்.
ஏற்கனவே, எம்.ஜி.ஆர்., ஜெயலலிதாவின் பெயரைப் பயன்படுத்தி அ.தி.மு.க. வாக்குகளை தங்கள் பக்கம் இழுக்கும் த.வெ.க.வின் முயற்சிக்கு பண்ருட்டியார் பலம் சேர்ப்பாரா என்பதை பொறுத்திருந்து பார்க்க வேண்டும்.