சென்னை மற்றும் புறநகர் பகுதிகளில் நேற்று மாலை தொடங்கிய மழை பரவலாக இரவு வரை நீடித்தது.
தமிழகத்தில் வடகிழக்கு பருவமழை கடந்த 15-ம் தேதி தொடங்கியது. அன்றே சென்னை மற்றும் புறநகரில் ஆங்காங்கே, விட்டு விட்டு மிதமான மழை பெய்தது. 16-ம் தேதி இரவு சுமார் 7 மணி அளவில் பரவலாக மழை பெய்யத் தொடங்கியது. தொடர்ந்து பலத்த இடி, மின்னலுடன் கனமழை பெய்தது.
சென்னையில் கனமழை முன்னெச்சரிக்கை பணிகளுக்கு நியமிக்கப்பட்ட பொறுப்பு அமைச்சர்கள் உடனடியாக சென்னைக்கு வர முதலமைச்சர் விஜய் உத்தரவிட்டுள்ளார். சென்னை மாநகராட்சியில் 15 மண்டலங்களிலும் கனமழை முன்னெச்சரிக்கைப் பணிகளுக்காக பொறுப்பு அமைச்சர்கள் நியமியக்கப்பட்டு கடந்த ஆகஸ்ட் மாதம் அறிவிப்பு வெளியிடப்பட்டது.
சென்னையில் நேற்று நள்ளிரவு வரை கனமழை பெய்தது. அடுத்த இரண்டு நாட்களுக்கும் மழை இருக்கும் என வானிலை ஆய்வு மையம் முன்னெச்சரிக்கை வழங்கி உள்ள நிலையில், பொறுப்பு அமைச்சர்கள் அனைவரும் சென்னைக்கு வரும்படி முதலமைச்சர் விஜய் உத்தரவிட்டுள்ளார்.