தமிழக சட்டமன்றத் தேர்தல் நெருங்கி வரும் நிலையில் திமுக & காங்கிரஸ் கூட்டணியின் தொகுதி பங்கீடு பேச்சுவார்த்தை இறுதிக் கட்டத்தை எட்டியுள்ளது. திமுக தரப்பில் காங்கிரஸுக்கு கடந்த தேர்தலைப் போலவே 25 சட்டமன்றத் தொகுதிகள் மற்றும் ஒரு மாநிலங்களவை இடம் மட்டுமே வழங்க முடியும் என்று தெளிவாகத் தெரிவிக்கப்பட்டுள்ளது. காங்கிரஸ் தரப்பில் தொடக்கத்தில் 41 முதல் 45 தொகுதிகளை கோரிய நிலையில், தற்போது 33 முதல் 35 தொகுதிகளாவது வேண்டும் என்று வலியுறுத்தி வருகிறது.
இந்த வேறுபாடு காரணமாக பேச்சுவார்த்தை சற்று இழுபறியாக இருந்தாலும், கூட்டணி உறுதியாக இருப்பதாக இரு தரப்பும் வலியுறுத்தி வருகின்றன.இந்தப் பின்னணியில் காங்கிரஸ் கட்சியின் மூத்த தலைவர் ப. சிதம்பரம் இன்று (மார்ச் 3, 2026) தமிழக முதல்வர் மு.க. ஸ்டாலினை சென்னை ஆழ்வார்பேட்டையில் உள்ள அவரது இல்லத்தில் நேரில் சந்தித்துப் பேசினார்.
தமிழக காங்கிரஸ் கமிட்டி தலைவர் செல்வப்பெருந்தகையும் இந்தச் சந்திப்பில் உடன் இருந்தார். தொகுதி பங்கீடு தொடர்பான சிக்கல்களைத் தீர்ப்பதற்காகவே இந்தச் சந்திப்பு ஏற்பாடு செய்யப்பட்டது.சந்திப்பு முடிந்த பிறகு செய்தியாளர்களை சந்தித்த செல்வப்பெருந்தகை, “திமுக – காங்கிரஸ் கூட்டணி மிகவும் வலுவாக உள்ளது. எந்த இழுபறியும் இல்லை. திமுக எங்களுக்கு எந்த கெடுவும் விதிக்கவில்லை. பேச்சுவார்த்தை தொடர்ந்து நடந்து கொண்டிருக்கிறது. முடிவு எட்டியதும் உங்களிடம் அறிவிப்போம்” என்று தெளிவாகத் தெரிவித்தார்.
ஒட்டுமொத்தமாக, திமுக – காங்கிரஸ் தொகுதி பங்கீடு பேச்சுவார்த்தை இறுதிக் கட்டத்தில் உள்ளது. ப. சிதம்பரம் – ஸ்டாலின் சந்திப்பு இந்தப் பேச்சுவார்த்தையை விரைவுபடுத்தும் முக்கிய நிகழ்வாக அமைந்துள்ளது. இரு கட்சிகளும் நியாயமான அடிப்படையில் உடன்பாடு எட்டுவதற்கு முயற்சி செய்து வருவதால், விரைவில் இறுதி முடிவு வெளியாகும் என்று எதிர்பார்க்கப்படுகிறது. கூட்டணி உறுதியாக இருப்பதால், தேர்தலில் வலுவான ஒருங்கிணைப்புடன் இரு கட்சிகளும் களம் இறங்கும் என்பது தெளிவாகத் தெரிகிறது.
தி.மு.க. & காங்கிரஸ் பேச்சு வார்த்தை குறித்து ‘மேலிட’ வட்டாரத்தில் பேசினோம். ‘‘சார், தமிழகத்தைப் பொறுத்தவரை எம்.எல்.ஏ.வுக்கு போட்டிப் போடாதவர்கள்தான் (எம்.பி.க்கள்) த.வெ.க.வுடன் கூட்டணி வைக்கவேண்டும் என வலியுறுத்தி வருகிறார்கள். தி.மு.க.வின் கட்டமைப்பை உணர்ந்தவர்கள் இதுபோன்ற ‘விஷம’ பேச்சுக்களைப் பேசவில்லை.
தி.மு.க. தரப்பில் 20 தொகுதிகள் ஒரு ராஜ்யசபா சீட் அல்லது 25 தொகுதிகள் கொடுப்பதில் உறுதியாக இருந்தது. இதனால்தான் தி.மு.க. கூட்டணியில் இருந்து காங்கிரஸ் வெளியேறுவதாக இன்று காலை செய்திகள் வந்தன. காங்கிரஸ் மூத்த தலைவரும், முன்னாள் அமைச்சருமான ப.சிதம்பரம் தமிழக முதல்வரும், தி.மு.க. தலைவருமான ஸ்டாலினை சந்தித்துப் பேசினார். அப்போது, ஸ்டாலினிடம் சோனியாகாந்தியும் அலைபேசியில் பேசியிருக்கிறார். அதில் உடன்பாடு ஏற்பட்டு ஒருவழியாக தொகுதி பங்கீடு பேச்சுவார்த்தை முடிவுக்கு வந்திருக்கிறது.
அதாவது, சோனியாகாந்தி நேரடியாக பேசியதும் 28 தொகுதிகள் ஒதுக்குவதற்கு ஸ்டாலின் ஒத்துக்கொண்டாராம். ‘புதிய கட்சிகள் தி.மு.க.வுன் கூட்டணிக்கு வந்திருப்பதால், அதிக தொகுதிகளை ஒதுக்க முடியாது’ என சோனியாவிடம் நிலைமையை ஸ்டாலின் தங்கை கனிமொழியின் வாயிலாக தெளிவாக எடுத்துச் சொல்லியிருக்கிறார்.¢அதன் பிறகுதான் கூட்டணி பேச்சுவார்த்தை முடிவுக்கு வந்திருக்கிறது’’ என்றனர்.