அ.தி.மு.க. கூட்டணியில் ஓபிஎஸ், டி.டி.வி.யை இணைக்கும் முயற்சியில் பி.ஜே.பி. ஈடுபடும் என்று எல்லோரும் எதிர்பார்த்த நிலையில், சட்டசபை தேர்தலில் தமிழக பா.ஜ.க, எதிர்பார்க்கும் 50 தொகுதிகள் அடங்கிய பட்டியலை தயாரித்து, கட்சி தலைமைக்கு அனுப்பியுள்ளனர்.
தமிழக சட்டசபை தேர்தலில் அ.தி.மு.க.,-வுடன் பா.ஜ.க, கூட்டணி அமைத்து போட்டியிடுகிறது. தாங்கள் எதிர்பார்க்கும் தொகுதி பட்டியலை தயாரித்து பா.ஜ., வினர் தலைமைக்கு அனுப்பியுள்ளனர். தொகுதி பங்கீடு பேச்சுவார்த்தையின் போது, இந்த பட்டியலை தெரிவிக்க கட்சி தலைமை முடிவு செய்துள்ளதாக கட்சியினர் கூறினர்.
திருத்தணி, ஆவடி, அம்பத்தூர், துறைமுகம், ஆயிரம் விளக்கு, மயிலாப்பூர், விருதுநகர், தாம்பரம், திருப்போரூர், உத்திரமேரூர், காஞ்சிபுரம், தளி, திருவண்ணாமலை, திருக்கோவிலூர், ஈரோடு கிழக்கு, மொடக்குறிச்சி, தாராபுரம், ஊட்டி, திருப்பூர் வடக்கு, தெற்கு, கோயம்புத்தூர் தெற்கு, சிங்காநல்லூர், பழநி, அரவக்குறிச்சி, திருச்சி கிழக்கு, ஸ்ரீரங்கம், திட்டக்குடி, விருத்தாச்சலம், சிதம்பரம், மயிலாடுதுறை, திருவிடைமருதூர், கும்பகோணம், திருவையாறு, திருமயம், காரைக்குடி, சிவகங்கை, மதுரை வடக்கு, மத்திய தொகுதி, திருப்பரங்குன்றம், ராஜபாளையம், ஸ்ரீவில்லிபுத்தூர், விருதுநகர், திருச்சுழி, ராமநாதபுரம், திருச்செந்தூர், கோவில்பட்டி, திருநெல்வேலி, நாகர்கோவில், குளச்சல், விளவங்கோடு.
ஆகிய தொகுதிகள் அடங்கிய பட்டியலை பா.ஜ.க. கொடுத்திருக்கிறதாம். ஆனால், அ.தி.மு.க. தலைமையோ 20 ல் ஆரம்பித்து 30க்குள் முடித்துவிட முயற்சித்து வருகிறதாம்!