சென்னை அண்ணா அறிவாலயத்தில் உள்ள கலைஞர் அரங்கில் தமிழ்நாடு துணை முதலமைச்சரும் தி.மு.க இளைஞரணி செயலாளருமான உதயநிதி ஸ்டாலின் பிறந்த நாளையொட்டி தி.மு.க இளைஞரணி மாநில துணை செயலாளர் எஸ்.ஜோயல் பாடல் வரிகளில் ‘‘வரலாறு படைக்க இளம் தலைவர் வருகிறார்’’ என்ற பாடல் வெளியீட்டு விழா நேற்று 25ம்தேதி நடைபெற்றது.
இந்த விழாவில், ‘வரலாறு படைக்க இளம் தலைவர் வருகிறார்’ என்ற பாடலை பள்ளிக் கல்வித்துறை அமைச்சர் அன்பில் மகேஸ் பொய்யாமொழி வெளியிட்டார். மாநில இளைஞரணி துணை செயலாளர்கள் பெற்றுக்கொண்டனர்.
தி.மு.க. இணைஞரணிச் செயலாளரும், துணை முதல்வருமான உதயநிதி ஸ்டாலினின் பிறந்தநாள் நவம்பர் 27ம் தேதி! ஆனால், நவம்பர் 25ம் தேதியே தி.மு.க. இளைஞரணி நிர்வாகிகள், தொண்டர்கள் என அறிவாலயத்தில் எழுச்சியுடன் காணப்பட்டனர். கட்சி நிர்வாகிகள் மற்றும் பொதுமக்கள் உதயநிதியின் பிறந்தநாள் இன்றைக்கா என நினைக்கும் அளவிற்கு இளைஞரணி நிர்வாகிகள் அறிவாலயத்தை நோக்கி படையெடுத்து வந்திருந்தனர்.
காரணம், தி.மு.க. மாநில இணைஞரணி துணைச் செயலாளர் தூத்துக்குடி எஸ்.ஜோயல், உதயநிதியின் பிறந்நாளையொட்டி ‘‘வரலாறு படைக்க இளம் தலைவர் வருகிறார்’’ என்ற பாடல் வரிகளை எழுதியிருக்கிறார். இந்தப் பாடலுக்கு மாரிசக்தி இசையமைத்து இருக்கிறார். மனோ பாடியிருக்கிறார். இந்தப் பாடல் வெளியீட்டு நிகழ்ச்சக்குத்தான் தி.மு.க. இளைஞரணியின் அறிவாலயத்தை நோக்கி படையெடுத்தனர். இந்தப் பாடல் வரிகள் துணை முதல்வர் உதயநிதியை வியக்க வைத்ததோடு, தி.மு.க. இளைஞரணி நிர்வாகிகள் உற்சாகத்துடன் எழுச்சியுறச் செய்திருக்கிறது.
அந்த பாடல் வரிகளில் சில…
“அன்னைத் தமிழ் மண்ணில்
இவர் அன்புப் புதல்வன்…
எங்கள் அண்ணன் உதயநிதி வருகிறார்…
கழகக் கொடியேந்தி
போர் முரசுக் கொட்ட
அஞ்சா வீரர் கூட்டம் நடுவே
வருகிறார்! வருகிறார்!!’’
பல்லவி
வருகிறார்
அண்ணன் வருகிறார்!
உதயநிதி ஸ்டாலின் வருகிறார்!
வருகிறார்
களத்தில் வருகிறார்!
இடிமுழங்க இளம் தலைவர்
வருகிறார்!
இளைஞர்படை
குலுங்கிடவே வருகிறார்!
இனப்பகைவர்
நடுங்கிடவே வருகிறார்!
வருகிறார்…
மாவீரன் வருகிறார்
வரலாறு படைக்க
கலைஞராக வருகிறார்..!
சரணம் 1
வெற்றிச் சூரியன்
உதித்து விட்டார்…
தமிழர் மனதில் நிலைத்துவிட்டார்…
அண்ணா, கலைஞர்
தலைவர் ஸ்டாலின்
தடத்தில் சென்று
தடைகளை உடைக்கின்றார்…
கழகப் படையை
நடத்துகிறார்…
கட்டுப்பாடாய்
இயக்குகிறார்…
எளியோர் வாழ்வும் வளமும்
நலமும் மனமும் மகிழ
துயரங்கள் துடைக்கின்றார்!
இந்தித் தினிப்பதை
என்றும் எதிர்த்திடுவார்…
சீறும் செந்தமிழ் வேங்கையாக…
நம் மண்மொழி
மானம் காத்திடுவார்…
எங்கள் உரிமைகள் மீட்டிவர்
நாட்டையே ஆண்டிடுவார்…
வா… வா…
வருங்காலமே வா…
வாகை சூடிடவே வா…
என்பதுதான்.
‘‘இளைஞர் அணி பட்டாளத்தின் எழுச்சிக்கு நடுவே உதயமானது! ஈடு இணையற்ற இளம் தலைவரின் பிறந்தநாள் பாடல்..!’’ என தூத்துக்குடி எஸ்.ஜோயல் தனது வலைதளப் பக்கத்திலும் பதிவிட்டிருக்கிறார்.
‘வரலாறு படைக்க இளம் தலைவர் வருகிறார்…’’ என்ற பாடல் வரிகள்தான் தி.மு.க. இளைஞரணியினரை வெகுவாக கவர்ந்ததோடு, இந்தப் பாடல்தான் வலைதளங்களிலும் வைரலாகப் பரவி வருகிறது.